Rubio Tramp Oʻzbekistonga tashrif buyurishni istashini aytdi
AQSh davlat kotibining soʻzlariga koʻra, Vashington bir yil ichida bunday tashrif imkoniyatini koʻrib chiqmoqchi.
AQSh Davlat departamentiga rahbarlik qilayotgan Marko Rubio Donald Tramp shunday imkoniyat boʻlsa, Oʻzbekistonga tashrif buyurishni istashini maʼlum qildi.
Rubioning aytishicha, Vashington va Toshkent oʻrtasidagi munosabatlar iqtisodiy istiqbollar hamda har ikki tomon uchun manfaatli hamkorlikka asoslanadi. U Amerika biznesining Oʻzbekiston iqtisodiyotini rivojlantirishda faolroq ishtirok etishga qiziqish bildirayotganini qayd etdi.
Bayonot 19-oktabr kuni Samarqandda yangradi. Rubio Markaziy Osiyoning besh mamlakati va AQSh tashqi ishlar idoralari rahbarlarining C5+1 formatidagi uchrashuvida ishtirok etish uchun Oʻzbekistonga keldi.
