Tramp Venesuelani AQShning 51-shtatiga aylantirishni taklif qildi

Trampning aytishicha, Venesuela ulkan neft zaxiralariga ega, yirik energetika kompaniyalari esa uning iqtisodiyotiga milliardlab dollar sarmoya kiritmoqda. U mamlakat AQShning 51-shtatiga aylanishi, u yerda esa prezident oʻrniga gubernator saylanishi mumkinligini taxmin qildi.

«U (Venesuela — tahr.) farovon mamlakatga aylanadi va kim biladi, balki yaqin kunlarning birida gullab-yashnayotgan 51-shtatga aylanishi ham mumkin. Bu ehtimoldan xoli emas», — dedi Tramp.

AQSh prezidenti, shuningdek, avgustda tuzilgan kelishuv doirasida Venesuela neftining 1 million barrelini olib kelgan birinchi tanker Texasga yetib kelganini maʼlum qildi, deb xabar beradi Associated Press.

Avvalroq, may oyida Tramp shunga oʻxshash gʻoyani ilgari surgan edi. Oʻshanda Venesuela prezidenti vazifasini bajaruvchi Delcy Rodriges bu taklifni rad etib, mamlakat mustaqilligi va suverenitetini saqlab qolish niyatida ekanini taʼkidlagan.