Florida shtatida xususiy samolyot halokatga uchrashi oqibatida toʻqqiz kishi halok boʻldi
Florida shtatining Palm-Bich okrugida Ostindan Bagama orollariga uchayotgan xususiy Learjet 60 samolyoti halokatga uchradi. Bortdagi toʻqqiz kishining barchasi halok boʻldi, deb xabar berdi CNN mahalliy hokimiyat vakillariga tayanib.
Samolyot yakshanba kuni Krestheyven bulvari bilan Nort 10-avenyu oraligʻidagi yoʻlga qulab tushdi. Zarba natijasida chuqur oʻra hosil boʻldi, samolyot qoldiqlari esa turar joylar va korxonalar yaqinida yonib ketdi.
Halokatdan oldin uchuvchi muzlama, tashqi havo harorati −47 °C ekani va moʻtadil turbulentlik haqida xabar bergan. Shundan soʻng ekipaj xavf signalini uzatgan: samolyot bir daqiqada taxminan 6,1 km tezlikda pasayib borgan.
AQSh transport vaziri Shon Daffi hodisani «dahshatli fojia» deb atadi. Halokat sababi hozircha aniqlanmagan. Tergovni AQSh Federal aviatsiya boshqarmasi va Transport xavfsizligi boʻyicha milliy kengash olib boradi.
