Xitoyda yarim tonnagacha yuk koʻtara oladigan, toʻrt metrlik ulkan robot yaratildi
Ishlanma inson mustaqil bajara olmaydigan, jumladan, xavfli hududlardagi operatsiyalar uchun moʻljallangan.
Xitoyning NeodraDynamics kompaniyasi boʻyi qariyb toʻrt metr boʻlgan odamga oʻxshash Neo1 robotini taqdim etdi. Massasi 1,2 tonna boʻlgan android ishlab chiquvchilarning taʼkidlashicha, ikki qoʻli bilan 500 kilogrammgacha yuk koʻtara oladi.
Robot 41 ta harakatlanuvchi boʻgʻim bilan jihozlangan: ularning 39 tasi kichik gidravlik yuritmalar yordamida, yana ikkitasi — bilaklarni aylantirish uchun masʼul boʻlgan boʻgʻimlar — elektr yuritmalar yordamida ishlaydi.
Tahlilchilarning baholashicha, 2025 yilda Xitoy ishlab chiqaruvchilari odamga oʻxshash robotlarning jahon boʻyicha yetkazib berish hajmining qariyb 90 foizini taʼminlagan. Mamlakat robototexnika sohasida yetakchilardan biriga va yoʻnalish belgilovchilardan biriga aylandi hamda yangi ishlanmalarni taqdim etishda davom etmoqda.
