Tailandda ogʻirligi qariyb 30 kg boʻlgan ulkan kemiruvchining qoldiqlari topildi
Olimlar 33–35 mln yil avval hozirgi Tailand hududida yashagan, ilgari nomaʼlum boʻlgan qadimgi kemiruvchi Yakamys sirindhornae turini tasvirlab berishdi.
Tadqiqot Scientific Reports jurnalida chop etilgan.
Kashfiyotga Krabi viloyatidagi koʻmir karerida topilgan ikkita toshqotgan tish — oziq tishi va kesuvchi tish — asos boʻldi. Tadqiqotchilar ularning oʻlchamiga qarab hayvonning vaznini taxminan 30 kg deb baholashdi. Biroq hisob-kitoblar keng diapazonni koʻrsatmoqda, shu sababli uning aniq vazni nomaʼlum.
Tur Tailand malikasi Sirindhorn sharafiga nomlangan. Topilma yirik kemiruvchilar ilgari hisoblanganidan ancha oldin paydo boʻlganidan dalolat beradi. Olimlar hozircha faqat ikkita tish asosida hayvonning tashqi koʻrinishi va hayot tarzini ishonchli tarzda tiklay olishmayapti.
