NASA X-70 Fractal eksperimental samolyotini taqdim etdi
NASA istiqboldagi aviatsiya texnologiyalarini sinash uchun moʻljallangan, ekipaj boshqaruvidagi X-70 Fractal eksperimental samolyotini taqdim etdi. Agentlik bu haqda 4 noyabr kuni Floridadagi UP.Summit konferensiyasida maʼlum qildi.
Samolyot modulli konstruksiya va yangi manevr rejimlarini sinash uchun tezda qayta sozlash mumkin boʻlgan boshqaruv tizimiga ega boʻladi. Uchish massasi qariyb 4,5 tonna boʻlganda, u turli konfiguratsiyalarda korpus ichida va tashqarisida 900 kg gacha boʻlgan tadqiqot uskunalarini olib yurishi mumkin.
NASA hisob-kitoblariga koʻra, X-70 samolyotining kruiz tezligi 0,75 Machni, maksimal parvoz balandligi qariyb 13,7 kmni, parvoz masofasi esa 2770 km dan ortiqni tashkil etadi. NASA rahnamoligida amalga oshiriladigan ilk parvoz ikki yil ichida kutilmoqda. Loyiha kelajak aviatsiyasi uchun texnologiyalarni sinovdan oʻtkazishni tezlashtirishga qaratilgan.
