Olimlar Antarktida ustidagi ozon teshigi kengayganini qayd etdi
2026 yilda Antarktida ustidagi ozon teshigi kuzatuvlar tarixidagi eng katta maydonlardan biriga yetdi.
NASA va NOAA maʼlumotlariga koʻra, 7 sentyabrdan 13 oktabrgacha uning oʻrtacha maydoni 25 mln kv. kmni tashkil etdi — 48 yillik kuzatuvlar tarixidagi yettinchi koʻrsatkich. 18 sentyabr kuni u 27,1 mln kv. kmgacha kengayib, 2000 yildagi tarixiy maksimal koʻrsatkichning qariyb 90 foiziga yetdi.
Olimlar bunday noodatiy katta hajmni kuchli qutbiy girdob bilan izohlamoqda. U sovuq havoni Antarktida ustida ushlab turib, ozonning yemirilishi uchun qulay sharoit yaratgan. Shu bilan birga, ozon qatlamining yemirilishi eng ogʻir yillardagiga qaraganda kamroq kuchli boʻlgan.
Teshikning katta hajmiga qaramay, mutaxassislar ozon qatlami ozonni yemiruvchi moddalarga nisbatan xalqaro cheklovlar tufayli asta-sekin tiklanmoqda, deb hisoblaydi. NOAA maʼlumotlariga koʻra, Antarktida stratosferasida bunday birikmalardan kelib chiqadigan xlor miqdori taxminan uchdan biriga kamaygan. Antarktida ustidagi ozon qatlamining toʻliq tiklanishi 2070-yillarga borib kutilmoqda.
