Yaponiyadagi zilzilada 20 dan ortiq kishi jabrlangan
Yaponiyada magnitudasi 5,7 boʻlgan zilziladan soʻng 20 dan ortiq kishi jabrlangan. Aichi prefekturasida 12 nafar jabrlanuvchi shifoxonaga yotqizildi, poyezdlar qatnovi esa kechikishlar bilan qayta tiklandi.
Zilzila 8 noyabr kuni soat 1:04 da Shizuoka prefekturasida sodir boʻldi. Uning magnitudasi 5,7 ni tashkil etdi, zilzila oʻchogʻi 41 kilometr chuqurlikda joylashgan. Eng kuchli silkinishlar — Yaponiya yetti balli shkalasi boʻyicha 5- daraja — Aichi, Nagano, Gifu va Shizuoka prefekturalarida qayd etildi.
Fuji Television Network telekanali maʼlumotlariga koʻra, Aichida kamida 22 kishi jabrlangan. Ulardan 12 nafari, jumladan zinadan yiqilish oqibatida jarohat olgan va shifoxonalarga olib ketilgan.
Xavfsizlikni tekshirish uchun poyezdlar qatnovi vaqtincha toʻxtatildi. Tekshiruv yakunlangach, qatnov qayta tiklandi, biroq poyezdlar kechikishlar bilan harakatlanmoqda.
Hukumat zilzila oqibatlari koʻlamini aniqlamoqda.
