«Pitt» 11 ta «Emmi» mukofotini qoʻlga kiritdi va plagiat boʻyicha daʼvoga duch keldi
11 ta «Emmi» mukofoti va tanqidchilar eʼtirofiga qaramay, HBO telekanalining tibbiy dramasi sud mojarosi markazida qoldi.
«Tez yordam» seriali yaratuvchisi Maykl Kraytonning bevasi «Pitt» 1994–2009-yillarda namoyish etilgan serialning norasmiy davomi ekanini taʼkidlamoqda. Uning fikricha, Warner Bros. original loyiha huquqlaridan foydalanish boʻyicha kelishuvlarni buzgan.
Kaliforniya apellyatsiya sudi ikki serial oʻrtasidagi oʻxshashlik ishni davom ettirish uchun yetarli, degan xulosaga keldi. Har ikki serialda shoshilinch tibbiy yordam boʻlimlarining ishi koʻrsatiladi, tibbiy atamalardan foydalaniladi va jarohatlar naturalistik tarzda tasvirlanadi.
Biroq «Pitt» tuzilishi jihatidan farq qiladi: har bir qism kasalxonadagi navbatchilikning bir soatini qamrab oladi. Warner Bros. ayblovlarni rad etib, loyiha original ekanini taʼkidlamoqda. Sud hozircha huquqlar buzilganini aniqlamadi.
Uchinchi mavsum 2027-yil yanvarida kutilmoqda.
